Hüt Morge heimr ume d'Grossstadt verlah u si richtig Landesinnere gfahre!
Ungerwaegs bimene "Bauhaus" no softcore Campingutensilie poschtet.

Je witer desdo erger d Strassequalität u d Ghüder drananne. Ungloublech wie d "Ungerschicht" im Dräck huset. Leider, aber Afrika pur.

Nach öppe are Std fahrt stöhmr vorem Gate vom Park.
A drei Stelle darfme ds Outo verlah, unger gröschter Vorsicht u auf eigene Gefahr! Dr Löi het o Hunger.
Uf Teer- u Schotterstraße geits dür Woodland u offener Steppe. Vo Dickhüter über Antilope Zebra bis Schiltchrot u Mischtchäfer isch so mängs spannesds Tier ds finge.
Nid ds Tope: Üses Micra Truckli gäge e horde Elefante am Wasserloch. Trocheschlück!
Zwe Jungbulle, auso Teenies, heisech unger Stoubwuche u Elfebeinkrach im Zwöikampf gmässe. Idrücklechi Mehrtonnegwalt!

De chum uf dr Terasse bi üsem Safariezeut sie ou scho d'Elefante zum Wasserloch z'springe cho! Grad vor üsere Hustür! Schön zum Sunneungergang! Mega toll gsi...sicher so um die 50 Grauhüter ou mit chline Dumbo's ��