Schöne Chlousetag =;o)

Mir merke hie aber nüd drvo.... Hie isch immerno über 30 Grad...grad hüt dünkts üs grad ume extrem...stickig u drückig.
Umso schöner isches gsi das mr e Usflug mitem Boat gmacht hei u mir hei üs ume einisch meh Chünige gfühut, heimrdoch es grosses Boat für üs ellei gha =;o)

Am Ziupunkt acho heimr diversi Pagode, Kloster u Stupa's gseh u bestiege =;o)
Die grossi Wisi isch imposant gsi....het leidr ou nid ganz uf mini Linse möge...=;o( zweni Wietwinku gha *grän*

De hets no es Riesigs Teil gha wosi mit einzelne schmale Steine erbout hei...das si scho 7be Sieche gsi....üsi Reisefrou isch nid mit üs ufe wie au anger Tourischte...das Ding isch eigetlech gsperrt vor Regierig wäge ischturzgfahrt. Sie het de bi de Verantwortleche ou grad usgrüeft
Sie söue das Verbot ändlech düresetze.

De zrügg per Schiff u go dr Palascht no go gschoue...dr *Win* het natürli uf üs gwartet mit dr Privat-Limo *grins*...dobe ufem Watch-Tower heimr no e Famely gfötelet vo Taiwan....das isch no witzig gsi....ah ja, bye the way....hüt isch ume eini näb mi cho zum mit mir zäme gfötelet z'wärde *lol*

Nam feine Lunch simer zruegg iz Ma Ma Guesthouse... Hei dert nomau dörf düschele u e churze Brake gniesse. Üsi Reisefrou het i derä Zyt Fotine vo mir bim fötele uf facebook ufeglade.has nid bemerkt das Sie mi mitem iphone ufgnoh het. Genau, IPHONE... Smartphone si hie gang u gäb....we i da a üsi erschte Natel dänke....Natel C & D =;o)) you remember ?? grins

De heimr e Audienz becho bim Chief-Monk vor Monastry im Oeste vo Mandalay (400 Novize u Mönche) dr jüngscht isch 10ni....... Idrücklechs Träffe... Das dr Dänu grad us Mönch chönt starte wener d'Ungerschrift vo dr Famely het heimr ou no grad klärt. =;o) aber das chaner gloub abschminke....

Ufem Hügu oberhaub vor Monastry heimr de e waaahnsinns Sunset dörfe gniesse....dr Himmu het regurächt brönnt =;o)
Unger acho heimr grad nomau zur Monastry chöne go luege u lose wie si mitemChief-Monk düe Bätte...u mir hei dörfe innehocke zune . GREAT

Da mir no gnue vom z'Mittag hei lömer z'Dinner use...u fahre diräkt zum Busbahnhof.
Nachdäm üsi Guide's drfür gsorget hei das mr de i richtig Bus istiege hets de gheisse Abschied näh. Beidi Siete heisech bedankt u mir si überzügt das sis mit üs ou gnoss hei...
Hei e tolli Zyt gha i denä fasch 7be Täg...

Punkt 21.03h simer de in Mandalay abgfahre mit Ziel Yangon.




In the late evening leave to Yangon by night bus. (9-10 hrs)

Lunch and Dinner on own account. Overnight stay on bus