Me gloubts chum, aber ou hüt wärdemr ume am 8ti am Morge abghout...dis mau heimr e Bootstrip vo 3h (ei Waeg) vorüs ��Es geit übere Fluss u übere "Inle Lake" ane Ort wos 108 Stupas het wo bi Fluet ungergöh.Ungerwägs heimr mängs Pfaubouerdorf gseh .... d'Lüt wäschesech im River...näme z'Wasser vom River zum choche..... Düe Wösch wäsche... U dr Räschte vom Chochete oder d'Rühschtereie wärde usem Fänschter i River gschosse....

Früeh isches ume heu worde nach derä ungwohnte Nacht im Kloster.7h hets scho ume es z'Morge gäh u am 8ti simmer zur 2. Etappe gstartet.Grad am Afang isches rächt abegange...simer ja doch uf ca. 1600 Meter obe gsi...Geit auso scho grad ume id Chnöi....ABER EGAU....dr Usblick isch grandios u beidruckend.Immer wider gseh mr Farmerfamelys wo dr Bärgries düe ärnte...i de unmüglechschte Häng.Ungloublech was die leischte.Nach ca 1 1/2 Stung heimr imene Dor...