Profile
Blog
Photos
Videos
Pai rund 150km und 768 kurve vo Chiang Mai entfernt.. machbar imne minivan i ca. 3 stund fahrt. S städtli isch super herzig und nöd so hektisch wiä inere gross stadt.. alli sind sehr entspannt und nehmed sich ziit fü eim. Au do häts jede obig an markt geh.. woni scho mol mini erste wiähnachtsichäuf gmacht han J schlimm xehsch immer wieder öpis luschtigs oder unikats! Bi eu dihai wird's gli mol los goht mitm wiähnachtsrummel idä stadt?!?
Pai hani somit imne längere spaziergang z fuess erkundet und han denn ä chlises gschäft gunde (wiä chönts au anderst si.. fü manicure und pedicure) d bsitzerin isch 30gi und hät erst grad vor zwei wuche eröffnet. Ihres englisch isch super guet xi und so hani min nomittag mit verwöhn programm und small talk verbrocht. Sie het sich enorm viil ziit gno.. und i bi meh als zfriide xi mitm resultat. Am obig bini denn mitm Matthew (Australier vo Melbourne) und paar vo sine kollege go znacht esse. Jedoch früeh is bett will i än tagestrip planet han wo scho am vieri am morge startet. Leider hät mir niemert so richtig xeit dassi mi söt warm alege.. und bin fast verfrohre und riisig froh xi wo denn d sune füre cho isch J
s speziellschte a dem tagestrip isch wohl xi, dassi di einzig ‚usländeri' xi bin.. mit mir 10lüüt.. 7 vo thailand und 2 vo malaysia. Füf studente und studentinne vo bangkok hend mi denn sehr herzlich integriert und isch än luschtige tag worde.. gspröch mit brochnem englisch und händ und füess.
d highlights vo dem tag:.. long neck village, ä dreck gsichts maske und dä sune undergang ufmne view point.
noch zwei täg Pai ischs denn wieder zrugg noch Chiang Mai gange.. wieder 768 kurve zrugg.. woni nochere velo sightseeing tour und einere nacht denn min wäg noch bangkok mitm zug gmacht han. Normal würdi diä zugfahrt um di 14 stund dure.. wege dä fluete hends nomol vier stund addiert. Bin somit gspannt xi öbi troche in bangkok zur ziit acho werd.
und siehe da noch 14 stund und xundem schlof bni acho J fit und munter mitm tuktuk id koh san road chauffiere loh. Koh san road isch dä platz fü big party!! Han mir fü ei nacht sogar mol äs hotel gönnt.. noch zwei monat backpacker lebe chli privatsphäre isch au äs highlight.. pool ufm dach und breakfast included J
tuktuk driver sind biz komisch druf xi.. wennd vo eim denkmol zum andere häsch wölle fahre.. hends dir än super billige priis offeriert aber zerscht hends di inä entweder schniederei oder ä giftshop brocht.. wo denn sötsch 10min interessiert tue dass dä tuktuk driver ä coupon überchunt fü benzin.. jo und noch dem er di denn abglade hät wo du anä häsch wölle.. isch er denn zmol verschwunde ohni dass mer zahlt hend. Diä hend denn di nögste touriste gnötiget zum meh coupon zsammle. Hend noch zwei schniedereie und eim giftshop gnueg ka und sind zrugg id koh san road glaufe.
Und etz 29.november.. hocki imne gmüetliche kafi schriibe min blogg, sortier chli fotos, lose musig und warte uf min pick up richtig airport.. denn gohts ab noch australie.. wieder meh westlichi kultur und hoffentli paar wiiteri kitesurf lektione. So long liv.
und mini liebe.. packed eu warm i!! gli wirds chalt und git schneeeeeee! ;)
- comments