Profile
Blog
Photos
Videos
Back again mit ä bizeli verspötig wieder ä lebeszeiche vo mir!
Ufgstande früeh am morge mitm flugi noch bangkok än wiitere flug noch surat thani und noch einige stunde warte mit dä nachtfähre schlussendli uf dä insle Koh Tao acho. D fähre isch zimli speziell xi.. äs hät grad mol links und rechts ä langi ligewiise ka wo nummeriert xi isch. Eidütig gmacht für schlanki persone. Dä wellegang isch au zimli stark xi.. wennd idä nacht verwacht bisch, ischs dir vorcho als wörsch ufmne rollercoaster!! Zum glück bini (anschiinend) nöd seechrank.
Bin denn direkt is gliche dive resort wiä mini reisekollegin Ruth (sie hät idä letschte täg s advanced gmacht) und hand dä ‚open water' kurs buecht und somit mini nögste vier täg verplanet. Mini tauchklass.. Mosem, Charley, Marian und i.. und natürli üsn Diveinstruktor Johan us schwede. Noch einiger theorie ischs denn direkt in pool gange und mir hend üs mit dä ganze tauchusrüschtig chöne vertraut mache. Uf dä nögsti tag sind mir vier aber einges meh gspannt xi.. will denn ischs serscht mol use ufs meer gange.. (Johan isch zspot cho ca. 1stund.. Hangover!.. was üs denn aber für dä letschti obig in Koh Tao än gratis znacht verschafft hät!). Die ersti tauchgang hät sich meh drum treit, dass mir üsi fähigkeite underwasser üebed.. zeichesproch und ä wassergfüllti tauchmaske z leere. Dä zweiti tauchgang isch denn scho viil entspannter xi und mir hend verschiednschti fisch und au zwei roche xeh. Zuesätzlich zum gratis znacht hani mir denn mit mim schlauechopf noh füf gratisbier däzuäverdient.. mathematischi ufgob xi idä theroiestund und dä Johan hät gmeint niemert chan das löse vo üs.. tada i scho J.
Noch zwei wiitere tauchgäng, begleitet vonere professionelle fotografin isch denn dä traum vom tauche scho wieder verbi xi und mir hend am obig no chli üses bestandene ‚open water' PADI gfiiret.
Mitmne chlinere schlofdefizit isch mini reis wiitergange vo Koh Tao zu dä nögste insle Koh Pha Ngan, wo au d Vollmond Party stattfindet. Do i gwüsst han dass kollege (Michel, Thomas, Stefan) vom wallis in südthailand ferie mached hani ihne xeit mir treffed üs doch am beschte grad no uf Koh Pha Ngan für dä Vollmond ;). Ebefalls viili anderi woni bis etz uf miner reis troffe han sind au uf dä insle xi.. ei grosses wiederseh J ei grosses fescht. Au dä ruth ihri erschte reisekompane sind mit däbi xi.. Andrew and the Burger Boys. Zwüsched dä einte und dä andere hauptparty hend mir (Ruth, Andrew, Charley, Mosem und i) fürn halbetag ä taxi organisiert zum dä norde vo dä insle zerkunde.. wunderschön!! Siehe fotos!! Dä einti strand hät mer nur per taxiboot chöne erreiche, wills kei strosseaschluss hät.. somit au extrem nöd touristisch.
parat fü di gross part isch mer denn xi nochmne super feine localfood und s motto isch xi je farbriger desto besser.. äs isch au üblich dass mer sich amolet und d farbe lüchted denn im UV liächt.. mir hend üs denkt wenn schon denn schon und sind bi allem däbi xi.
Für erholig ischs denn wiiter gange noch Koh Lanta.. mit manicure und massages ischs mir denn schnell besser gange.. und natürli exklusivi smoothies und brownies.. mmh!
Andrew und i hend üs denn anere andere füfer gruppe agschlosse und sind mitmne boot zu verschiedene miniinsle go schnorchle und bi einere insle häts än igang ka wo inä höhli gführt hät.. isch biz unheimlich xi aber hät sich glohnt will mer isch anen versteckte ministrand cho.. äs heisst vor viile johre seged döt pirate i und us zum ihri schätz zverstecke ;)
Dä ganzi bricht fallt chli chürzer us.. will detaills vo fuulenze angeblich nöd so interessant sind und wiiter goht mini reis noch Koh Phi Phi.. Phuket und denn ufe in norde vo Thailand Chiang Mai.
Bis gliii.. Liv
- comments