Sooo üses Reisli geit wieder witers :-) Mir si mitemne Kollektivtaxi über d Grenze bis nach Chetumal, Mexiko (dr next Ort nach der Grenze). Bir Usreis vo Belize heimer gwüss 20$ Gebühre müesse zahle, die nämes vo dä Läbige =P Bir Ireis in Mexiko derfür umi nüd :-) Mängisch köstlech. In Chetumal heimer ner afa Mal zumne Bankomat müesse, dä ar Busstation isch leider kaputt gsi, es het gheisse vore ufem Platz heigs eine... schöööne man, mir si ca. 30 min mit üsem Rucksack ir gröbschte Hitz dert häre gloffe und wieder zrug, so gseit heimer ä Stund ka hahaha. Eh ja ke Sach gsi mir heis du ja ner gschafft u si ufe nägscht Bus nach Tulum (4h-Fahrt für 8 Chf). Üses Hostel isch gad ir nechi vo de Ruine gsi u das heisst o vom Meer ;-). Eifach Topp, damit mäh gäbig vom Fleck isch furtcho, het ds Hostel d Velos gratis zur Verfüegig gstellt, das isch super gsi. Mir si so gseit 3 Täg lang mal umi Velo gfahre u am einte Tag heimer sogar 20km gmacht, wüll mer zur Grand Cenote (Underwasserhöhli) si gange. Meh derzue müessemer nid sägä, d Bilder zeiges ;-)