Mir si du ner der ganz Tag udie ganzi Nacht witer gfahre bismer in Caye Caulker si acho. Diesmal hets no meh gwället wo vorher u das het gheisse gschieder nid z viel bewege =P. Z Wasser ufem Wäg nach Caye Caulker isch immer wie klarer u schöner worde u mir hei sogar Delphine gseh! Eifach genial gsi. Paradiesisch das Caye Caulker! Das chöimer würk jedem empfähle! Am Tag druf simer du ner nach San Perdro gfahre u dört het üse Trip gändet. Mir si dert ner es Käffeli ga ha u es het üs schier hindereghoue abem Pris dasmer üs gad entschiede hei dasmer d Insle verlöh u si miteme Wassertaxi uf Corazol gfahre (das isch a Land u ner gäbig für über d Grenze nach Mexiko, was üse nägscht Plan isch). Das Corazol isch gwüss ä Geisterstadt u mir hei fasch ä Stund ka bismer ä Unterkunft hei gfunde, aber Ende gut alles gut. :-)