Üses nägschte Ziel hätti eigentlech sölle Isla Holbox wärde, aber der Bus vo Playa del Carmen nach Chiquila isch leider voll gsi u ja dä geit natürli nur einisch am Tag. Mir hei ner blitzschnell entschiede dasmer afa Mal nach Cancún gö u dert Mal chle verwiele :-). Mir hei üs es Hostel im Zentrum gno u mir müesse also sägä das isch eigentlech gar nüd schöns... resp. weme übernachtet ischs am Strand besser, dört isch die eigentliche Szene, mä chasesch das so vorstelle wie in Miami & Miami Beach. Jänu mir hei üs ämu glich z beschäftige gwüsst, einisch simer imene Outlet gsi chle ga lädele u einisch im Kino ga Splitt luege, was fürne psycho Film, aber gut wars :-) Dr Stand heimer üs natürlech o einisch gäh u si mitem öffentleche Bus bis nach Playa Delfines gfahre (ca. 30 min), dä isch eifach der Wahnsinn gsi, lueget sälber! Eifach Top!