a de Räbbärge düre zu de riesige Farme wo am maidröschere si wie die Wiude iz im Früehlig!
Zwüschdüre mau hurti aghaute zum Strohbauene oder längi gradi Strassene phötele!

De churz vor Struisbaai imene Kaff aghaute u go kömmerle u nograd es Picknick gkouft für ungerwags! De uf dr Strass e Abbieger links use gnoh u scho simer überne Schotterstrass zu de mega schöne wisse Düne cho! De gfahre bises nüm isch gange u de z'Picknick ipackt u ab a Strand. Ässe heimr aber du de im stah müessä. Das het dert us sooooo mega gwindet, excüse, gluftet het....das mr chum am Bode si ghocket scho vou mit Sand si paniert gsi!,,,

De aschliessend dür Strusbaai düregfahre (das isch es usgstorbnigs Feriedorf) u schlussändlech bim Backpacker zuchegha!

Chum z'Zimmer bezoge heimr luscht gha ufs Bade! Hätt e chline Pool bir Ungerkunft, aber nei, üs isch nach Indische Ozean! Isch garnidemau soooo chaut gsi! Heis no lang usghaute u die choge Weue si scho rächt gross gsi u es het ou mega usezoge. Hei auso geng chli müessä luege das mr nid z'witt vom Strand wäg chöme! Het gfägt u isch genial gsi im Meer!

De mau ume seuber gkochet ir Gmeinsamchuchi u de ar Bar no e Schlummertrunk gnämiget!