Dä Punkt isch grad näb Struisbaai bim Lüchtturm use! Dert chame go wandere u bi "tidetime" mind. 1 vo ca 12 Wracks gschoue! z' Neuschte vo 1982!

Leidr isch hüt nid soooo ne tolle Tag gsi...es het gluftet u zwüschine grägnet, aber egau.
Ou ar Küschte isch z'schlächte Wätter öpis schöns zum gniesse. Vorauem aschliessend weme icherrt bimene feine Cappucino/heeissi Schoggi u es Stück Cake! Lekker...

Vorhär heimr no ere Möve zuegluegt wie si usem Wasser Missmuschle isch go hole u se vo dobe wäretem Flüge het la abegheie! Äxtra versteiht sech...damit d'Muschle kabutt geit u Sie dr inhaut cha gniesse! Es het aber mängisch meh aus ei Alouf brucht!

Es git aber nid nume tolls zum gseh...leidr hets ou e igwickleti Robbe am Strand gha wo eländ het müessä liede! U ou e Möve wome nume no z'Grüscht gseh het isch hie Autag!

z'Wrack wome gseht isch nid SOOO gross. Isch am anschiin a mau usenangheit. Isch nume e Vorderteu ume! Aber egau.....wägem Wätter hets eh nid so tolli Photos chöne gäh.