Chum simer ufgstange heimr z'feine z'Morge gnosse zäme miteme Päärli vo Dänemark!
Hei üs nätt mit ne ungerhaute! Er isch de zwar chli gnärvt gsi nachdämr mr Ihm d'Photos vom Sharkdiving zeigt hei! Sie hei ou wöue gah aber leider het bi Ihne z'Wätter drigschpiut u sie hei nid chöne gah!

De nachem Packe u m Zahle heimr nochli parlaveret mit de Husbsitzerin!
Sie het us danket das mr so agnähmi Gescht si gsi!

De simer richtig Kapstadt gfahre u hei e Stop im Botanische Garte igleit!
Dä isch meeega gross u schön. Sie bau chli lang drinegsi!
De heimr chli hungerr becho u si ad Waterfront! Öpis feins gframet u nochli d'Sunne gnosse
U de aschliessend a Flughafe gfahre!

No hurti tankete (am Tankwart d'Chüeubox mit de Campingutensilie gäh) u
bim Hertz häregfahre!
De amene Gepäckfahrer no e Sack vo Chleider id Häng drückt womr nüm mithei hei wöue näh!
E Quittig hets nid gäh wägem Outo zrüggäh! Hoffemr da chöm nüd hingernache!