Hüt isch Abentür agseit gsi! Mir si ufene Shark Diving Tour!
Hei bereits am 6.30h müesse dert si u hei z'Morge becho...de simer instruiert worde wie üse Trip söu abloufe u de isches scho losgange!

Chum heimr dr erschti Hai gseh heisi dr Anker versänkt u d'Köder usegschosse!

Dr Dänu isch muetig gsi u isch tatsächlech go Hai-touche! I hingäge ha dr Blick vo obe bevorzugt!

Bereits dr first Shark het am Dänu imponiert, dä isch nähmlech fasch ufe Chefig ufe gumpet!
U i ha gwüsst wieso is lieber oberhaub vom Wasser gschoue! =;o))
Es het mängi glägeheit gäh zum e Hai z'gseh u mir hei anschienend ume glück gha u hei es RIESE TIER gseh! Dä Hai isch zwüsche 4 u 5 Meter läng gsi! Es mega Viech!
Er het aber das mitem Köder eue nonid kennt...er isch e chli glängwillet gsi! Er isch meischtens eifach nume drumum gschwumme u hets garnid ersch probiert! Evt heter ja vorhär scho gässe gha? =;o))

Nach vielne superschöne Idrück simer de zrügg iz Office cho u hei no dörfe E Lunch näh!
Aus im Pries inbegriffe!

Ufem Rückwäg simer de no bim "Lüchturm dangerpoint" verbigfahre! Dert isch vor es paar Jahr es Schiff kennteret u es si über 300 Mönsche ums läbe cho!

Am Abe simer de fein go framsle imene Typische Afrikanische Restaurant! Ume lekker gsi!