Hallo zaeme

Na, wie gahts eu so? Wie ischs Waetter bi eu?Danke fuer eui Blogitraeg JAch leider isch das Weekend scho wider dure..Han en Usflug uf Rottnest Island gmacht mit oeppe 20 andere Luet vo dae Schuel. Isch meega cool gsi.Aber am Samstig Morge isch no chli oeppis bloeds passiert. Sind im Zug gsi Richtig Fremantle. Ploetzli gsemmer wie es paar Reihe wiiter 3 Aborigines Fraue e alti Frau grundlos beschimpfed..Mega lut haends umegschreit..En Maa haet daenn mal oeppis gseit aber sie haend en daenn gad so waeggschupft.. (mega schlimm). Nachher haends d Frau ufds Mal gschlage nachher sind daenn 3 Manne zur Hilf cho. Mega krass. Oeppert haet daenn dae Notruefchnopf druckt und daenn isch Polizei cho. Voll s Zueg ischs gsi. Am Morge frueh im Zug..Bisch niened sicher..Und v.a. haets eso vil Luet im Zug gha aber niemert haet sich traut oeppis zsaege will all so igschuechtered gsi sind. Nachher isch daenn dae Tag besser worde. Sind daenn mit dae Faehre ufd Insle gfahre. Det haemmer daenn Velos gmietet (nach es paar Meter haet oeppert scho Platte gha, hihi..) und sind chli uf dae Insle umegfahre (i daere Hitz). Haend daenn bimene chline Strand en Halt gmacht und sind go bade. Isch eifach traumhaft gsi. Die schoene Farbe vom Meer..S schoene Waetter..hach..:-) Am Nami simmer daenn chli wiiter mit em Velo gfahre und haend daenn en uu schoene Strand ‚gfunde'. Haend dae ganz Strand fuer eus elei gha. Isch voll schoen gsi. Am Abig haemmer daenn es BBQ im Backpackers gmacht und sind spaeter daenn no an Strand. Am halbi vieri simmer faeng is Bett. Iiii und daenn haemmer no e Muus i eusem Zimmer gha ;-) Am Sunntig simmer au wider anen Strand chli go suennele und bade. Leider haemmer daenn am Nami wider moese zrugg. Uf dae Heifahrt ischs mega vilne schlaecht worde wills so fescht gwaellned haet ;-) Huet haemmer wider moese id Schuel. Aber es sind natuerli alli voll k.o. gsi..Freu mi drum scho uf mis Bett JJa das waered so dNews fuer dae Moment..Am Dunnschtig haemmer eusi Mock Exams. Zum luege womer so stoend..Ui und i 5 Wuche isch dSchuel scho fertig. Es gaht so schnaell..He daemfall macheds na guet und bis gli,Angi