Servus!!
Endlich hend mer ues wieder mal an PC zwunge, zum uech wieder emal update. Mir hend en mega schoeni Ziit gha, sit mer euch letscht Mal gschriebe hend und d'Ziit isch wie im Nu verfloge. Nach dem mer ues fast nuemme hend choenne bewege nach em Surfe, hend mer ues entschiede s'Surferparadies (Kuta) zverlah. Mir sind echli a de Kueste entlang in Norde zoge, i de Hoffnig uf gueti Schnorchelplaetzli. Aber leider hets sehr oft gregnet (isch au Regeziit...also ned jammere), drum hend mer ues anderst wiitig beschaeftigt...
Nach laengerem hi und her hend mer ues denn gege de Norde vo Bali entschiede und sind mit em Speedboat nach Gili Air (chlini Insle vor Lombok) gfahre. In Bali gids eifach vill z vill zgseh und mer hend sogar sgruehl, dass ned mal uesi 4 Wuche laenget zum alles gseh. Bsunders ned, da ues Gili Air so gfalle het und mer gad e wuche det blibe sind. Gili Air isch en mega chlini Insle (i 1.5 Stund bisch rundume gwadschlet), es isch mega ruhig, das ned emol autos gid, sondern nume Ross und Velos.
Endlich hend mer au super Schnorchelplaetzli gfunde :) Mer hend mittlerwile scho Schwimmhuet uebercho...aber es isch eifach genial gsi, denn bi jedem "Schnorchelgang" hend mer grossi Wasserschildkroete gseh und s'coole dra isch, die interessierts ueberhaupt ned, wenn sie a glotzisch oder mit ihne schwimmsch. Also s'absolute highlight...
Hmmm, was hend mer sust no gmacht usser esse und fulenze?? de Ruego isch fliessig am Guitarre lerne :) vermuetl sind drum uesi Nachbare immer nach einere Nacht verschwunde??!!! Mer hend au mega vill cooli Luet kenneglernt. Die Indonesier sind eifach es ufgstellts Voelkli...
Jetzt sind mer wieder uf Bali, genauer gseit im Landesinnere in Ubud und gnuessed di Balinesisch Kultur.
Aso, mer muend so langsam us em Internetkafi (aso es isch eigentlich eifach en PC verusse bi uesem Hotel), da ues d'Mugge voll fressed...brum, brum
Leibi Gruessli
Manu und Ruego