hello...

Puuuhhh... be gester am 3 am morge uf und han en minibus an flughafe in bangkok gnoh...min flueger isch am 7ni gange. ha muesse am 5i toert si und das duuret e stund bis me in bangkok am flughafe isch. die stadt isch echt riesig!!!

Han a mim letschte obe in bangkok mit dr Miky us Korea und em Sebastian us duetschland verbrocht... sind zaeme go fisch esse. das haet i glaub lieber lo si... be jetzt 2.5 tag krank gsi. fischvergift! und das waehrend em reise. 18 stund vo bangkok nach bali puuuhhh... koenne echt jedes wc am flughafe in bangkok und malaysia. mir isch sehr sehr sehr beschisse gange. aber wie immer muess i mir um nuet sorge mache, woeu s laebe aues eso bringt wies muess si. han in kuala lumpur 7 stund ufenthalt gah und bin all 10 minute ufs wc groennt! han weder choenne esse no trinke... und das 2.5 tag lang. be echt ustroechnet gsi. aber chum han i was gesse oder trunke... isch es wieder obsi cho. vorig han i zum erschte mol was gesse und das isch jetzt scho 1 stund her. eg hoffe, dass es drin bliibt!

han in malaysia bim ichecke am flughafe in kuala lumpur e aelteri dame troffe, ca 60i. sie het mi ganz schuech gfroget oeb eg englisch rede. ha jo gseit und mich entschuldiget, dass i viellicht unhoeflich gsi bin aber es gieng mir ned so guet. vo daem moment a het sie sich echt superlieb um mich kuemmeret! mir hend denn die restliche stunde no zaeme gwartet und sie het mir verzellt, dass si diplomatin isch und no anderi business in bali heigi aber vo Sidney\australien sigi. wow, ziemlich interessanti frau. s ireiseverfahre in bali isch ziemlich lang am flughafe. me muess es visa vo USD 25 kaufe, jenschte papierkram erledige etc. nach so viele stunde und nach so viel kotzerei han i eifach ke kraft meh gha und ha alles mit mir loh gscheh... eg ha mi uf nuet chonne konzentriere.Ha ke USD und ke balinesischs geld debi gha. s visa han i zum glueck chonne mit dr kreditkarte zahle. aber am 10 am obe isch nuet meh offe gsi zum geld wechsel oder so. d sandra, so heisst die dame, het mir mit allem gholfe wo si het choenne und het gseit, eg choig jo so kes zimmer sueche, eg sigi z schwach... dermit i ned das ganze zoll zueg und dr lang ablauf wie alli touris han muesse mache, het si mi mit ihrem diplomatepass en andere weg dur e flughafe mitgnoh und allne gseit eg sigi krank und en froendin vor ihre. anstatt 2 stund het die ganzi prozedur ploetzlich nume no 15 minute duret zum ireise. diplomate hend also echt vorteil! wo mir use cho sind, het sie mir geld id finger drueckt und gmeint eg soelli es taxi naeh!eg has geld ned woelle anaeh! wo si mich nomol aglueget het, het sie ihre manager scho vo wiitem gseh und ihn gfroget, obs ihm was usmachi en umweg z fahre und mich zu daem und daem hotel z bringe. mein gott, ben eg froh gsi. haet echt ned gwoesst was mache ohni si. be so kaputt gsi! sie hend mi zu dem hotel gfahre, hend fuer mich icheckt und ir no e nummer vomene doktor gae, wenn i eine bruche. wow! echt liebi luet. s dandra goht immer direkt zu dene balines hei go wohne und das isch denn nomol 1 stund fahrt gsi. sie macht doert no mit silberbusiness was. han also wieder mol die richtig person zur richtige ziit troffe... das passiert mir scho uf dr ganze reis. wenn me sich um nuet sorge macht, passiert immer ganau das, was muess... das isch echt krass! ha mi natuerlich grad higleit und han zerscht mol 13 stund gschlofe. hoet am morge isch liecht besser gsi. Han denn rasch s zimmer gwechslet woeu 20 USD eifach z viel sind. bin jetzt ire voeu guenstigere unterkunft. han vorig zum erschte mol was gesse nach 3 tag. und das isch jetzt scho laenger als 1 stund her. gseht also guet us. es goht wieder berg uf. zum glueck... das isch echt ned luschtig gsi!!! esset nie fisch in bangkok...puuuhhh...ou wenn er frisch usgseht!

morn gangi i mit em boot zu de gili islands go tauche... juppiiii!!!! freue mi wie es chliises kind!!!

ganz liebi gruessli us bali
euri fabienne