So bi üsem Rückflug hets natürlech o umi äs Gschichtli gä zum verzelle, wie chönts o anders si hä ;-)

Zersch hei mir in Denpasar am Flughafe afa Mal wieder iz Chämmerli dörfe, wüll mir ä Tag z lang in Bali si gsi, üses Visum wäri drum nur für 30 Tag gültig gsi u mir si 31 Täg dörte gsi :-). Halb so wild, pro Tag wo mä lenger dinne isch, chostets 20Chf p.P., zum Glück simer nid no lenger bliebe.. hahaha. Schön hei mir aber beidi ke Cash meh ka u mit Charte het mä nid chönne zahle, somit si mir halt nomal use u hei Geld useglah. Zyt zum ichoufe im Dutyfree hei mir ner natürlech nümme gross ka u ner isch üse erst Flug nach Doha scho gange u das 9h 40min.

In Doha isch üs ner das passiert, wo üs no nie isch passiert.. Mir si gmüetlech iz Fumoir eis ga röikle u ner bim Boarding füre allerletscht Flug nach Zürich het Triz ihre Pass nümme gfunde. Schock Moment vor ganze Reis, mir hei ner öpe 15min lang alles dürsuecht u Triz isch wiene Wildi a all die Orte zrug gseklet wo mir üs im Transit hei ufghalte u das vergebens...nichts gefunden. Churzi Zyt speter isch ä Herr vor Qatar Airways cho u het nachegfragt ob öper ä Pass suechi, ner mir sofort "Jaaa miiiir" u siehe da, es isch dr Pass vor Triz gsi, dä sig im andere Flugzüg mitem Ticket ufem Sitz bliebe liege. Sooo schwein hei mir ka, das gloubtme ja fasch nid, pures Glück oder Karma hihihi. Ner hei mir ämu der letscht Flug doch no chönne atrette u si 6h 20min gfloge.

Am 07:00 Uhr si mir ner mit gmischte Gfüehl in Züri glandet und üsi top Kollegin d' Danja isch üs mit ihrem Fründ so früeh cho abhole u het üs super empfange u ner jewils heigstellt.

Warum üser Eltere üs nid si cho hole? Die hei gar nid gwüsst das mir hei chöme, wies o niemer anders gwüsst het, es isch ä Überraschig gsi vo üsere Site här, wüll mi Vater a däm Tag wo mir si glandet 60i isch worde...die Überraschig isch üs uf jede Fall glunge :-).

238 Täg, 17 Länder, geil wars!!

The thans will fade.. but the memories will last forever!