Mir hei entschiede das üsi nägschti Station Rio Dulce wird si u si steihert am Morge am 05:00 Uhr vomene Shuttle abgholt worde, ja würklech so früeh, es het üs ja sälber schier eine gä. Dr Ort Panajachel isch zwar touristisch aber es gö kener öffentleche Büs dert härä. Ehja mir hei üs halt o eifach z wenig informiert ka u hei denkt mäh cha hie oso eifach vom einte Ort zum andere Ort mitem Bus fahre... Jaaa denkste hahahaha heimer o wieder eis öpis derzue glehrt :-) Mir si du när mit däm Shuttle bis nach Guatemala City u hei ner dert ufene öffentleche Bus gwechslet u si bis nach Rio Dulce gfahre. So gseit simer der ganz lieb läng Tag Bus gfahre u hei aber immerhin schöni Landschafte gseh ;-). Dert acho öpe am 17:00 Uhr (total kaputt) heimer zum Glück schnell ä günschtegi Unterkunft gfunde u si früeh ga liege. Am Morge simer du ner o bi Zyte erwachet wüll si im Hotel ä Boustell hei ka, das heimer am Vorabe natürlech o nid gseh hahahah aber gad guet gsi so simer eis uf :-) Wies der Zuefall het wölle simer inere kuule Beiz glandet (Sundog Cafe), wo gad am Fluss liegt. Es isch nid lang gange ner isch ä Kanadier zu üs cho u het gfragt was so üser Plän siege... mir hei natürlech kener Plän ka da mir relativ eigentlech alles spontan entscheide. Er het du ner gseit är machi Sägeltoure vo Guatemala nach Belize u er heig afa 3 Jungs vo Dänemark wo am start siege u das ganze göng Morn los u göng ca 6 Tag und es choschti 400 CHF inkl Food....mir hei üs a gluegt u hei gseit ja wieso nid. All In mir chieme o uso isch üses nägschte Abetür losgange, Pura Vida. Der erst Tag sowied Nacht heimer ufem Fluss Río Dulce verbracht, mir hei der Anker nöime vorem Ort Livingston gsetzt u hei grelaxed mit Sunset, Food und Drinks. D Jungs hei natürlech geng d Schwärschtarbeit müesse mache mitem Anker, Sägel u alles muhaha u mir si eher die starche gsi bim abwäsche :-) Am nägschte Tag simer Fluss ufwärts gfahre nach Livingston u hei dört der Usreisestämpel gholt sowie die letschte Bsorgige gmacht u ner isches ab ufs Meer. Mir zwöi si ihr Chuchi gsi am z Morge mache ner het das plötzlech gwället u üs isches gwüss gad schlecht worde, da heimer ner gad hurti chle müesse ga liege. haha Nachdem isches du ämu de gange u mir hei der ganz Tag ufem Meer verbracht bi super Wetter u si öpe am 22:00 Uhr in Placencia acho, dert heimer du ner der Ankel gleit. Der Himmel isch sooo klar gsi, d Sterne heimer gloub no nie so guet gseh wie denn! Topp!