Z wätter het die erste 2 Täg leider nid so das gmacht wasmer hei wellä aber ä biz rägä tuet dä Schwizer natürlech nüd ;-) Was sötme ja nid in Rio verpasse? Mir hei üs natürlich schlau gmacht u die Top Touri-Sache gmacht, wiesech das so kört =P - Zuckerhut (Pão de Açucar) Da geitme mitere Schwizerseilbahn ufe, het üs o verblüfft, u het e super Ussicht uf Rio de Janeiro u gseht schön ufe Copacabana Strand abe - mir empfähle das ganze vor Beach-Lounge us z gniesse miteme chüele Bierli - Escadaria Selerón Das het üs sehr guet gfalle! D' Stägge wo mit vielene Mosaikssteine gmacht isch befindetsech im Künstler Viertel vo Rio -> Ein Muss! Git hammer Bilder u dert het übrigends o Snoop Dog mit Pharell der Videoclip vom Lied beautiful gmacht ;-) - Cristo Rentendor (Corcovado) Ä witeri Sehenswürdigkeit, sogar eis vode Weltwunder. Vo dört obe hetme e super Usblick uf d Stadt und ufe Zuckerhuet, z einzige wo isch es het anders viel lüt ka - ä richtegi Massewanderig isch das gsi ;-) - Stränd Copacabana u Ipanema Beach Der Ipanema Beach het üs iz besser gfalle aus diversen Gründen ;-) u dä erreicheter mitem Bus ca 10 Min vom Copacabana entfehrnt Soo, die nägste 51 Täg simer mit G-Adventures underwegs u reise so zsägä mitere Gruppe vo Rio (Brasilie) bis nach Lima (Peru)