Mir hei ä 5h Flug hinder üs vo Sao Paulo nach Foz do Iguaçu, es het ke Ruhepouse gäh u mir si direkt nach der Landig zude Wasserfäll. Wältsschön! Mir hei die brasilianischi Site sowie die argentinischi Site gseh und üs het die argentinischi besser gfalle, willmä dört no viel meh gseht u meh cha mache. Mir si dert ufs Jet Boat gange u hei ä Duschi gno vode Wasserfäll, genial gsi! - het ca. 60 Dollar kostet. Abgseh vo de Wasserfäll chame in Foz do Iguazu o sehr guet ässä - si da anes traditionelles Buffet gange, das nenntsech Rodissio, u isch gigantisch gsi u ganz günstig - ca. 40 Real = 12 Chf, aja uz Fleisch serviere si eim gad früsch ufz Teller, was wotme no meh :-)