Ciao e tüc! Finalmente pos scrif vargot siccome gl'ültim dui-tre dì gl'era mia internet. Ogni tant al fages ben e tüci parò stè senza internet. Son cuntent da mia ve töc dre l'iPhone sanò stes er mi tüt al dì in facebook o roba dal genere. Isa son già in Cile e dumän am sgola e Santiago. Ma straverzè tüt al deserto da la Bolivia prima da rivè chilò. Prima però ma se fermè e Puno in Peru par pö rivè e Sucre in Bolivia passando da La Paz. La megacittà da La
Paz l'é propi impressionante cun lan cà fin sü lan muntagna. Pürtropp però l'é er inquinata e "busy" cun tant traffic da auti e colonne da par tüt. Son cuntent da ve fac la "Death Road" (sträda da la morte) cun la bici invece dal giro turistico da la città. L'é propi giü forte partì da 4'700m giò fin e 1'800m. Dui clima e temperatura completamente diferenti tanco viagè da Malögia e Clavena. Al centro Sucre invece l'era propi al cuntrari da La Paz: belan ca coloniali blänca cun sträda neta e plaza cun funtäna, albar e statua. Üna attrazione principale gl'eran er lan impronta dai dinosauri. L'é giü interessante da vé visitä lan miniera storiche da argento e Potosí ca ei tempi dai spagnoli gl'ian rifornì tüta l'Europa. Pensa ca gl'ian portè schiavi fin da l'Africa par estrarre quisto prezioso elemento... Dopo Potosì m'ha fac tappa e Uyuni prima da partì cun dalan Jeep 4x4 par i deserti da la Bolivia. Impressionante l'infinito deserto da säl e i lèäc culurè cun i fenicotteri. Lan isola cui Cactus centenari e i geyser gl'eran er forti! Ün toccasana e ver fac al bagn ent üna fonte da ägua cälda e pü da 4'300m da altezza!