Ja, u itz simer wieder ds Suva, ömu ganz ir Nöchi drvo u wieder schiffets. Auso wieder mau chli Zyt füre Blog, o we ds Internet hie fäut, schribe chame ja glich afa chli. Auso äbe, vo mittlerwile zwöiehaub Wuche simer ds Fiji acho, nachdem mr e Nacht i däm Flüger überstande hei. D Lüt hie si di meiste sehr gross u vili o ziemlech breit. U genau so e angerhaub mau Fiji-Ma isch näbem Role im Sitz ghocket. O wenn er sich no so dünn het gmacht ischer...

...

Ja has ja no fasch dänkt, das chönnt de so ne sach si mit däm blog. Ständig ungerwägs u we mau zyt hätsch hesch kes internet. He nu, de chani haut itz d Erinnerige vo de letschte zwe Wuche no mau ufwärme... Auso, si mer am Mäntig Morge mau im Eichhouz uszoge u hei üse Räscht no deheim im Chäuer deponiert. Chli komisch gsi, üsi Wohnig vo usse z gseh u eigentlech isches gar nüm würklech üsi. D Reis isch ja när ke längi gsi, London isch ja grad um...

Likuri oder Robinson Island, üses erschte Südseeinseli - BULA!

So, ändlech si mr ungerwäx! E strängi Wuche hei mr gha, agfange mit em Budeabschluss-Apero u ufghört mit ere Putznachtschicht bevor mr üsi Wohnig letscht Samsti hei chönne übergä u ids Eichhouz zügle. Hie hei üsi Ferie agfange uds erste grosse Erläbniss isch üses Abschiedsfestli ir Bronco Loge gsi - merci viu mau übrigens no de Kunz-Froue u em Jüre für die kulinarischi, bierischi u musikalischi Begleitig! Ah und hie isch übrigens no e Reisebeglei...