Hüt geits vo Stellenbosch z'mitts id Stadt vo Cape Town! (Vorfreud)
Die nächschte 2 Nächt wärdemr imene Zugabteil pfuse!

Denkste.. Es chunt nid immer so wie me dänkt! "Lol"

Ufem Wäg uf Kapstadt simer näb mängere "Township" düre u si scho bim erschte Ablick uf Kapstadt überwäutiget gsi! Was fürne RIESESTADT!
Nachdaem mr bir "Train-Loge" üses Outo abgschteut hei simer z'Fuess go Kapstadt erchunde!
Zersch bir Touriinfo düre u de dür Gässli gschlenderet! De imene MEGA Foodcorner e Lunch go frame!

De witer dür d'Stadt dürne Park schlendere u de Eichhörnli zueluege!

Zwüschine simer mau zur Train Loge go itschegge u chli verschnuffe! Dert e Bekanntschaft miteme Oustralier gmacht wo uf unbestimmti Zyt hie in Südafrika & co wot verbringe!
Eifach so lang bis z'Geud längt! Zwüschdüre schaffeter mau hie u da!

z'Nacht simer de ad Waterfront go näh! Schöne Summerabe ime Touristische Hafeareal!