Üsi Reiseleiterin het üs gluschtig gmacht zum früeh ufstah...
Am 5fi söu dä Märit afa mit Cherzeliecht.
Mir auso schlaftrunke ufgstange u dür z'dunkle Hsipaw glüffe....leider isches ou dunku bliebe =;o( nüd mit Märit....wit u breit nix zu sehen....ja nu, de heimr haut e Morgespaziergang gmacht, zruegg im Hotel nomau go witerpfuse bises Taget....de simer später zum 2.te mau i Tag gstarteret. =;o)))

Nam z'Morge ume abghout worde u a Bahnhof verschobe...dr "Win Win" fahrt mitem Outo
U mir 3 mitem Zug....die 2 heis nid chöne la si am Train-Manager brüehwarm go z'verzeue das ig e Traindriver sig...gröll....Er isch sehr intressiert gsi u het sech gfreut üs z'kennezlehre.
In Myanmar gits anschienend kenner Froue ufem Zug am fahre =;o)

De simer ufs Abentür Zugfahrt in Myanmar gstarteret....hei aber e chürzeri Strecki gmacht aus im Programm vorgseh..(Hsipaw - Nawnhkio)... .isch aber nid schlimm, mir si geng no 84 km gfahre mitere Dur vo 4 Std u 8 Min. .... Jep, ke Witz...*lol* (Die ganzi Strecki vo Lashio bis Mandalay duret ca 10 Std)
Das het üs düre "gscheiket" & mir si ume "jumpet" wie schüsch nonie. Das isch ächt ume es Erläbnis gsi....söu mr mau e Fahrgascht bi üs ir Heimat cho jammere =;o))
D'Barrierewärter si ou cool gsi...die hei e roti Fahne gha füre Strasseverchehr u die grüeni füre Zug =:o) z'Viadukt womr drüber si isch ou mega imposant gsi...mit ca. 20 km/h heimr die Brügg wo ca. 700 Meter Länge passiert.


http://de.m.wikipedia.org/wiki/Goteik_Viadukt

De in "Nawnhkio" simer vom "Win Win" abghout worde u witer isches per Outo richtig "Pyin_U_Lwin". Ungerwägs heimr no e Lunch üs gnämiget u si no e natur cave go gschoue.
Die isch aber nid so üses Ding si....sie isch vougstopft gsi mit Buddhas u Pagodene. Vor Cave het das völlig abglänkt =;o(

De in "Pyin_U_Lwin" acho no hurti i Botanisch Garte ufene Turm ufe go dr Sunneungergang luege.

De grederet vom nüd mache u umehocke im Hotel acho...das Städtli liegt uf über 1000 m.ü.m.
Auso fühtsechs hie iz eher chüeu ah...u da mir dr Lunch sehr spät (ca. 16h) hei gha lömer z' Abeässe usse.

Wärde eue nid aut hüt.... Morn wärdemr scho ume am 8ti abghout.
Die letschte paar Tag am Strand wärdemr eue gniesse mit nid viu mache =;o)



Lunch and dinner on own
account. Overnight stay in Pyin Oo Lwin.

Hotel Aster, 47/48 Mandalay-Lashio Road, Nanda Wun, Ward 9, Pyin Oo Lwin, Pyin Oo Lwin, Myanmar