Die hüttige 3,5 Std Outofahrt uf Monywa het scho grad echli gnügelet....ungerbroche heimrse grad nume für mau ufe Märit u bim 2. gröschte stehende Buddha uf dr Weut go verbizluege.
Dr Märit isch mega schön gsi, bis uf d'Abteilig Fleisch & Fisch...da bini froh gsi womr düre si gsi. Dr stehend und dr liegend Buddha si beidi imposant gsi...vo nach, vo wittem, oder vo inne =;o)

De hurti e Lunchtime speziell vo dieser Gägend gnämige u de geits scho ume witer.

Bir "Thanboddhay Pagoda* heimr du mau gstreikt u heise nume vo use agluegt.
Isch mau öpis ganz angers gsi. Extrem Farbig (wie e süessi Torte) u mit über 500'000 images of Buddha.

Am spetere Nami heimr Du dr "Chindwin River" mitere Fähre überquert u si miteme angere Outo
zu de 947 Sandstei Caves gfahre....isch e idrücklechi Sach gsi....ha mängs "HDR" Photo gschosse =;o)))

Womr si zrüggfahre uf Monywa hets de scho dunklet u mir si bi Nacht im Hotel acho....de hurti düschelet u nomau ab uf d'Strass.... Diesmau simr ine Backery go z'Nächtle....süessi Sach gsi...u es het mau ume es feins Cappuchino gäh...z'zwöite sitmr in Myanmar si =;o)

Hie merkt me ume dases weniger Tourischte het...mir si ume meh agluegt worde aus umgekehrt *grins*

De nam Verdouigsspaziergang ume ab iz Hotel...si ume müed vom Tag.


Lunch and Dinner on own account. Overnight stay in
Monywa.

Hotel Chindwin, Bogyoke Street, Yonegyi Quarter, Sagaing, Monywa, Monywa, Myanmar