Dr Wecker het üs ume früeh gweckt �� si mir eigetlech i de Ferie????

Punkt 7 bni hei Sie üs es meeega Früehstück ufgschteut mit Pancake, Omlett, Tost, Samosa's u no öpisem süessem sowie Banane..... Auso scho am Morge überässe ��
Aber egau, huet wärde ja Kalorie verbrönnt.

Die 1. Etappe richtig Inle Lake steiht bevor.

Mir si mitem Outo zum Startpunkt gfahre worde u de hets gheisse ab iz wird gloffe.
Dür schöni Landschafte simer glüffe u viele Burmese ufem Risfeud heimr gseh.... d'Ching hei immer schön gwunke u grüesst. Mir si hie ufere Route absits vo de Tourischte.
Weder gseh no krüzt heimr angeri.

Mir si mitem Guide u me Wassertreger ungerwaegs....die mache das beidi guet...sehr guet sogar. Zur Lunchtime wartet e extra Choch uf üs.

Nach ca 6 km u knappe 2 Std simer bim erste Rastpunkt acho.
Mir si eue biz z'schneu gsi, dr Choch isch nonid ready gsi ��
De heimr es Plätzli ime ruhige Näbehus becho u hei dert chli chöne Raschte bevors de e mega Lunch het gäh. Wahnsinn was die hie biete.

Vorem Lunch simer no bire chline Famely go ineluege ...sie schmiede Mässer u Schutzhubene drzue,....zu de Mässer ��

Nacheme Zytli simr du ume ufbroche....u ersch nach witere 6 km simer chli häreghöcklet.
Just dert wos när numeno ufegeit zu üsem 1. Etappe Ziel.
Vo dert ah numeno 4 km....ABER die heis insech gha. Isches doch würcklech numeno ufegange.
Nachere Chueherde u paar Stops zum schnuff hole simer du dobe acho ...bim Kloster womr ou bliebe über d'Nacht. Mir hei es spezial Room becho ��������

Nachere Ischaute Duschi.....wo dr Männlech teu uuuuuu freud het gha....da Er mi mit chautem Wasser usem Brunnetrog het dörfe plage ������ u de Mönchgiele wonis drbi zuegluegt hei hingerem Feulade, simer du nomau zum Ussichtspunkt go dr Lake luege womr Morn härewatschle.

Üse Choch isch übrigens scho da gsi u het üs miteme Lemon Jus begrüesst....(isch ir zwüschezyt zu üsem Drink worde)
Später het Er üs ume es mega feins z'Nacht zouberet.

Iz gniessemr nochli dra Abe wo aber eue nid soooo lang meh geit....simer doch vo üsere 16 km Trekking Tour chli ufem Hung....ömu dr wieblech Teu. ��

Morn geits de ume am 6.30h uf wöu mr 8.00h wöi uf die 2. Etappe starte zum Inle Lake.


Lunch and dinner in local village. Overnight stay in homestay or monastery.