Chli uebernaechtiget vo de zwe Flueg simmer sicher in Bangalore glandet.
Nachere churze Hektik am Zoll (wöu mr nid gwuesst hei wie z'Hotel heisst) heimrs de mit de Koffer zum Usgang gschafft.

Und siehe da, tatsaechlech sie zwe naetti Inder miteme Zeddeli mit uesem Name druf dertgstange.
Mitem Chefe churz z'Gschaeftleche erlediget u de mit uesem Driver (fuer die nexte 2 Week)
Iz Hotel gfahre uf Bangalore ine.

Nacheme churze Brake vo ca. 3 Stung ( womr drvo 2 gschlafe hei) simer zum sightseeing
ufbroche. Chlini Info voraeg, Bangalore isch die 3 groeschti Stadt in Indien mit 8 Millione Iwohner.

Us erschts heimr dr Botanisch Garte duerloffe. Er isch uf dr Weut dae mit de meischte verschiednigschte Boumarte. Scho dert heimr no schneu mau festgschteut das mir wit u breit die einzige europaeische Tourischte si gsi. Aui angere sie eigeti Touriste gsi us Indien.
Die ganzi Zyt het me ues nachegluegt u aglaechlet simer worde u de bis am Schluss hei immer wider Luet es Photo mit ues woeue. Isch scho chli schregg. Iz sie mir die wo agluegt waerde....soet doch eher umgekehrt si.

Bevor mr zruegg sie iz Hotel heimr no nach usem Wunsch bim "Indian Coffi Hous" es stopp gmacht u hei de z'erste Indien Food gnosse. Aber only oepis chlises.

De zruegg duers Vercherschaos u gseh das bi uesem Hotel e Weddingfyr stattfindet.
Vouer freud hurti iz Zimmer go dueschele u naer chli schoen alega u zum igang vom Fescht chli go luege. Dr security het gseit nume cho am 8ti goengs los.

U siehe da puenktlech dert wo z'Ehepaar mitem Outo ifahrt. 'Phoeteler vo mir natuerli isatzbereit.
Wo die erschte Gaescht itrudlet si heimr ues chli necher a Igang haeretrout.isch natuerli aus voruse gsi.de het ume dr Security gseit mir soeue nume ine gah, das sig scho guet....de simer ou ine, aber nume grad bim Igang bliebe stah. Astang heimr ja.
Scho dert simer aber ufgfaue u d'Luet hei ues haerzlech gruesst u aglachet.
U nach nid langer Zyt isch dr Bruetsch vom Bruetigam (sie hei eneng sehr gliche)
Zu ues cho u het gseit mir doerfe gaern innecho haerehocke u ues unger d'Gaescht gseue. Nach druem doch doch das isch OK heimr sini Iladig du agnoh u hei ues unger d'Luet gmischlet.


Immer widr simmer aglaechlet worde u hei muesse posiere mit de Luet zaeme fuer Photos.
Ou d'Kamerama vom Hochzyt het ues entdeckt u mit ufe Fium gnoh. De het ues doch tasaechlech no eine ufgforderet ou oepis z'aesse go hole. d'Jungs heis agnoh, nume i ha mi nid drfuer gha.

De heimr ues langsam usegschliche u sie mued iz Hulli abtouchet.
Das isch e mega coole Start gsi i uesi Rundreis vo SouthIndia.

Guet Nacht .....