FELIZ NAVIDAD-MERRY CHRISMAS-SCHÖNI WIEHNACHTÄ

mir si sit letscht sunntig in san andres dcaribik inslä vo colombia.

isch megaaaaaa schön doch ou hiä rägnets verhäutnismässig viu für das, das kei rägäsaison meh isch.

dr vorteil hie isch dswassêr blibt 27 grad warm u d`ussä tempratur wird no wärmer und tüppiger nach jedäm 5 minutä
tropästurm.
jaaaaaa, ändlich heimer wieder warm.

nach 3 tage in salento wos drvo ca 21h pro tag grägnet het =(

salento isch sehr äs schöns und überschoubars caffeplantage dörfli i dä bärgä. wo leider gottes nur ei strasse richtig süden
het u eini richtig norden.
wieder einisch meh het üs dr rägä ä strich dür üsi reise gmacht. wüs düre rägä extrem viu erdrutschä ghä het si beidi
strasse richtig cartagena sowie nach bogota gsperrt für unbestimmti zyt. dantwort vom busterminal isch gsi..ja auso vlt isch
dstrasse i 30 min wieder befahrbar aber vlt ou ersch i 2-5 tage das weiss niemer so gnau =)
auso ghits keis entkomme us salento mitem bus.
nache langem studierä heimer nis entschlossä 10 tage id karibik zverreise über whienachtä. da di einzigi no bestehndi
busverbindig nach armenia isch gsi wo no ä ganz ganz chlinä flughafä het u per zuefau hie, hi flügt.

trotz auem rägä heimer in salento ä super zyt gha u zmeli het glehrt kaffe trinkä =) dr hammer...!
mit gummistifu u rägätrainer usgrüschtet heimer üs dür dwäuder u caffeplantagene kämpft.
bevor mer si abgflogä heimer no ä autä senior uf sirä eigätä öko caffeplantage bsuächt. wo sehr intressant u idrücklich isch gsi.
wie faszinierend caffe u sini gschicht cha si.

nachemnä wieterä spontan gewitter simer du tropnass zrugg zum hostel u hei direkt wieter müässä a flughafä.

ab id wärmi uf san andres.....

nach 2.5h wo niä hei wöuä ändä..( schrecklichst flug i mim ganzä läbä, ja schlimmer aus in peru) simer wou behautä u üüüüüüüberglücklich
uf dr houptinslä u i üsem hostel el viajero acho.

frank sei dank,üsä dütsch chindärartz wo in schwedä wohnt, heimer sogar öper gha wo üs mitemnä chüälä bierli erwartet het.

tour de isla mitem golfcaddy, schnorchlä, party, strand,sunnä, uf captain morgans spurä, u natürli zauribestä vom bestä zum schluss
het zmeli zersch mau i ihrem läbä kite surf usprobiert u isch vou dr vo fasziniert =) dr geilst sport wome uf wasser cha betriebä. leider ischs chli nä türä sport, wemä kes eigets equipment het.

nach 7 tage insel leben simer froh chöimer am zistig wieter uf cartagena u santa marta, wieder festland ungerdä füess zha.

so u its wünschäni aunä no besinnlichi wiehnachtä u ganz ganz schöni festtäge.

wärmi u sunnigi grüässli us san andres