ein etwas anderes argentinien

nach 2.5h bus fahrä vo montevideo nach colonia/ uruguay heimer dr buquebus schnäuboot gno nach buenos aires vo dört mitem taxi a einä vo ca 7 busbahnhöf in ba.as. mir hei üs für retiro entschiedä da dä am nächstä vom hafä isch.

nach langem suächä heimer üsä busbüro gfungä u ändllich äs busticket nach salta chönä choufä. juhuuu its heits nur no 7h wartä bis das de dr bus ou fahrt....

wemä gnuä fräch isch zum fragä u dlüt hingäräm schauter so zimlich kei ahnig hei wasi im internet verchoufä heimr di 7h im VIP saal dörfä verbringä mit flatscreen,wifi u cafe =)

nach 22h im bus simer müed aber guät in salta acho. dbusfahrt isch dr oberhammer gsi vom aperowy u gebäck bis zu zmorgä,zmittag,znacht heimär so zimlich auäs becho wasmer hei wöuä u das mitemnä super service drzuä.

wasmä vo üsäm hostel in salta nid het chönä bhouptä u üs wieder einisch meh zeigt het das internet marketing u wasme vor ort atrifft das da wäutä drzwüschä chönä liegä =) us üsäm 3 bett zimmer isch innerhaub vo 3h womer si weg gsi äs 6 bett zimmer gmacht wordä drus....ä kunst wo äuä nid aui beherschä. das nennt meh voui platzusnützig vom zimmer womer hei gha. u meh het nid angst müässä ha usem bett zgehiä.$

am sunntig heimer ä tagesusflug nach el cafayate gmacht. meeeeega schöns valley..het fasch so usgeh wie dr chli grand canyon. mit diverse stopp a steiformationä, im dörfli el cafayate u ihrä chlinä bodega inc. wydegustation simer wieder zrugg gfahrä nach salta.

am mäntig isch du sehr früh 7.15 mitem bus richtig tilcara nächi bolivianischi gränzä gangä. guät ou us denä plantä 3h fahrzyt si ou dasmau wieder fach 4.5h drus wordä aber meh kennts ja fang nid angers ;-)

in tilcara heimer äs hammer hostel makla uf empfehlig vomnä kolleg buächät. ä chlini oase inmittä vor wüesti.u dussicht isch mega schön da lohnt sichs dr berg duruf zloufä mitem ganzä gepäck!nach däm mer si acho heimer zersch mau zdörfli unsicher gmacht u si zu autä indianer ruinä glüfä u agluet. am namittag hets du wie us chüblä afah rägnä, blitzä u donnärä so das aui strasse innert chürzerstär zyt si überfluetet gsi,

isch luschtig gsi zum hei loufä.

gestär simer vom hostal us guäti 2h zudä garganta del diablo glüfä,natürli auäs bärguf =) womer si dobä achä hetsich ä mega schönä usblick über aui bärgä u landschaftä ir gägänd zeigt mit sogar äs bitzeli sunnäschy.

das aber ir letsti nid seehr viu grägnet het u die ganzi gägend sehr trochä isch si die garganta del diablo nid sehr gigantisch gsi das fasch kei wasser het gha.

hüt heimer ä gmüätlichä tag gmacht u si mitem bus uf purmamarca gfahra.....womer ageblich dr berg mitä 7 farbä söt gseh. nur isch dä hüt ganz i wuuchä ideckt gsi so dasmer genau nüd drvo hei gseh. nach chlinä snack, empanada de queso umnä wasser inc chlinä spaziergang übereä märit simer mitem nächstä bus wieder zrugg uf tilcara u hei üsä hostel hüt no chli gnossä umer zyt gno wieder einisch fotos uszsortierä u blog zschriebä.

morn am morgä am 03.45 bringt üs de dr bus wieter adi bolivianischi gränzä u hoffentlich ohni lang wartä de ou über dgränzä uf boliviä nach tupiza.

ab id höchi uf 2900m.

u somit währi für hüt umä fertig

liäbs grüässli u dickä knuddu i di issig chauti Schweiz =)

besos fuerte melanie