Sali zaeme

puuuhhh.. eg schwitze mir do eine ab be ueber 30 Grad... Isch grad e chli e heftige Wechsel vo Minustemperature nach Indie z goh... be immer no am aklimatisiere!!! Ha endlich min Jetlack ueberwunde und chan am Tag dure wach si hihii... Wow... Indie isch eifach einmalig!! If you haven't seen it you won't believe it!!! Das muess me eifach gseh ha! Han mir gester scho es paar cooli Hose poschtet. Und hoet han i en 10taegigi meeeega geili Tour buechet.. d Phoeteli werde folge... han mini Digicam vergesse deshalb gits erscht morn Photi. Gester han i ou es Velo gmietet.3 Tag Velo isch 3 Franke... das isch doch was oder... und es isch s beschte Verkehrsmittel... Wenn ihr mich wuerdet gseh i daem Chaos umefahre... ihr wuerdets ned glaube... und erscht no Linksverkehr. Eg haets ou ned glaubt, aber me gwoehnt sich erstuundlich schnell dra. Es git ke Strassenregle... dr groesser isch dr staerker... das isch s Motto. Sind gester no voll in Monsunraege cho.... laeeeckkk... so en Raege han i no nie im mim Laebe gseh... es het wie us Kueble gschuettet, unglaublich. Und uf em Weg hei im Raege (eg be bis ufd Underhoesli nass gsi... aber es isch wenigstens warm) isch mire Kollegin voll d Ketti vom Velo broche... also alles wieder zurueck zum Velolade... es isch so fuecht do, dass mini Kleider bis jetzt nonig troechnet hei... Leider isch mis Natel ir Tasche nass worde und jetzt funktionierts noemme raecht. Eg ha probiert mit em Foen alles z troeckne aber isch ned gange. Eventuell gohts denn irgendwenn wieder.

Es git soooo geili Kleider vor allem Hose do... eg glaube, eg muess aui mini europaeische Kleider hei schicke, dermit i Platz han fuer neus Zueg.

Auso liebi Luet, eg hoffe, uech gohts ou guet und ihr ghoeret bald wieder vo mir... denn jede Tag isch eifach es Erlebnis...

Bussi

Fabienne