Mit mim Plan es Schreinfescht i de Nachbarstadt go bsueche isch nüt. I ligge zwei Täg im Hotel mit Fieber. Aber wenigschtens hani dUussicht i volle Züg chönne gnüsse. Churz bini no go Vitaminbombe poschte. Am zweite Tag isches denn besser worde. 11月6日 Hotelwechsel No bini nöd fit. Ich han mi drum mit late-check-out und Kafitrinke beschäftigt, bevor ich mich imene coole Stadthostel wieder zur Ruä gleit han.

Ich bin nur zweihundert Kilometer vo Kyoto entfernt. Aber es got hüt wieder Richtig Süde ad Weschtküschte nach Hiroshima. Mit de Bummler gohts 6.5 Stund und 300 Kilometer i die truurig berüehmt Stadt. Erscht kurz vor 12 fahrt e relativ gueti Verbindig. Am Bahnhof hets no super Werbig fürs örtliche Sandmuseum gha. Si hend es paar Figure us dä Conan Anime in lebensächte Grössi us Sand 'bildghaueret' und nebetra no de Shinkansen in Miniatur. Mega cool. Het...

Am Morge hets en Spaziergang gä zum nöchschte Schrein. Entlang vom Fluss hends wunderschöni Baumallee gha in früeherbschtliche Farbepracht. Uf de Brugge hets härzigi Statue gha. Vom Schrein bini nächli enttüscht gsi. Also schön isch er gsi, aber erstuunlich chli für ä Präfekturhauptstadt. Relativ schnell bini halt wieder zrugg im Hotel gsi. Anschinend hani mi verchältet, wahrschinli hani de chürzlichi Temperatursturz vo 29 uf 20 Grad underschätzt. M...

Wow. Drüü Wuche nöd brichtet. Verruckti Sach=). Mal bini Chrank gsi, denn hani mini Bewerbige versuecht und gluch no versuecht Gägend azluegesusch. ZFuess: 115km, 153900 , Zug: 658km Natürli weissi nüm jedi Einzelheit aber da en chronologische Ablauf: 10月31日 Tierischi Halloween Vom Onsenstadtteil vo Yonago us, e Stadt i de Präfektur Tottori, sölls hüt zur präfekturial Hauptstadt go. Es isch no öppe 100km entfernt und so wird no recht Zug gfahre...

DBsitzeri vom Ryokan het mir unbedingt no welle zeige, wiemer en Chranich in Origami macht. Han die ja scho es paar mal gmacht, aber no noe miteme 6cm Blatt. Am Schluss het si mir grad no die ganz Packig Papier gschenkt. Guet sinds kei A4 Blätter. Aber ich chan ja nöd täglich Kranich falte, damit ich die Blätter verbruche... Am 10ni bini los. Churz hani no a dere Seebucht entlang laufe, bevors den vo chline Industrie zunere langwilige Hauptstrass worde isch....